Ոստիկանությունը փնտրում է Հելսինկիի փողոցներում շրջող գայլին
17:31, 10 Ապրիլ 2021
ԵՐԵՎԱՆ, 10 ԱՊՐԻԼԻ, ԱՐՄԵՆՊՐԵՍ: Ֆինլանդիայի իրավապահները որոնում են մայրաքաղաք Հելսինկիում պատահաբար հայտնված գայլին: Ինչպես փոխանցում է «Արմենպրես»-ը, այս մասին հայտնում է «ՌԻԱ Նովոստի»-ն:
Ոստիկանությունն արձանագրել է գայլի գտնվելու վերջին վայրերն ու այժմ աշխատանք է տանում նրան գտնելու ուղղությամբ:
Վայրի կենդանիները Ֆինլանդիայի մայրաքաղաքում հազվադեպ հյուրեր չեն: Քաղաքում պարբերաբար հայտնվում են աղվեսներ, իսկ 2019-ին Հելսինկիի հենց կենտրոն էին եկել երկու եղնիկ, որոնց ոստիկանները ստիպված էին սպանել:
Բաժանորդագրվեք մեր ալիքին Telegram-ում