Սեւանա լճի մակարդակը նախորդ տարվա ապրիլի սկզբի համեմատ բարձրացել է 19 սանտիմետրով
11:08, 6 Ապրիլ 2021
ԳԱՎԱՌ, 6 ԱՊՐԻԼԻ, ԱՐՄԵՆՊՐԵՍ։ Սեւանա լճի մակարդակը 2021 թվականի ապրիլի 5-ի դրությամբ ծովի մակերեւույթից գտնվել է 1900 մետր 64 սանտիմետր բարձրության վրա։
Ինչպես «Արմենպրես»-ին տեղեկացրին ՀՀ ԱԻՆ «Հայհիդրոմետ» ծառայությունից, նախորդ տարվա նույն օրը Սեւանա լիճը ծովի մակերեւույթից գտնվել է 1900 մետր 45 սանտիմետր բարձրության վրա։ 2021 թվականի հունվարի 9-ից մինչեւ 2021 թվականի ապրիլի 5-ն ընկած ժամանակահատվածում Արփա-Սեւան թունելային ջրատարով եւ ստորերկրյա հոսքի միջոցով Սեւանա լիճ է տեղափոխվել 32 միլիոն 940 հազար խորանարդ մետր ջուր։ Սեւան թափվող գետերում դիտվել է թույլ արտահայտված փոփոխական ռեժիմ։
Խոսրով Խլղաթյան
Բաժանորդագրվեք մեր ալիքին Telegram-ում