Արա Այվազյանն այցելել է ԱՄԷ և Կատարի Հայոց թեմի Առաջնորդարան
10:28, 12 Մարտ 2021
ԵՐԵՎԱՆ, 12 ՄԱՐՏԻ, ԱՐՄԵՆՊՐԵՍ: Արաբական Միացյալ Էմիրություններ այցի շրջանակներում Հայաստանի Հանրապետության արտաքին գործերի նախարար Արա Այվազյանն այցելել է ԱՄԷ և Կատարի Հայոց թեմի Առաջնորդարան և շրջայց կատարել Սուրբ Նահատակաց եկեղեցում և վարժարանում:
«Արմենպրես»-ի փոխանցմամբ՝ այս մասին «Ֆեյսբուք»-ի իր էջում գրել է ՀՀ ԱԳՆ մամուլի խոսնակ Աննա Նաղդալյանը:
ՀՀ ԱԳ նախարար Այվազյանը և ԱՄԷ և Կատարի Հայոց թեմի առաջնորդ Գերաշնորհ Տեր Մեսրոպ Եպս. Սարգիսեանը մտքեր են փոխանակել Մերձավոր Արևելքի երկրների հետ Հայաստանի համագործակցության օրակարգի, Մերձավոր Արևելքում հայ համայնքի առջև ծառացած խնդիրների շուրջ:
Գերաշնորհ Տեր Մեսրոպ Եպս. Սարգիսեանը ներկայացրել է հայապահպանության և հայ ինքնության ամրապնդման ուղղությամբ գործադրվող ջանքերը:
ԱԳ նախարարը բարձր է գնահատել ԱՄԷ հայ համայնքի ունեցած դերակատարությունը երկու երկրների և ժողովուրդների միջև բարեկամության ամրապնդման գործում:
Բաժանորդագրվեք մեր ալիքին Telegram-ում