Պատմության հետագծով
ԵՐԵՎԱՆ, 7 ՓԵՏՐՎԱՐԻ, ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ/ԱՐՄԵՆՊՐԵՍ: 2012 թ.-ից փետրվարի 7-ը նշվում է որպես համացանցում հայատառ գրելու օր:
-1876 թ. փետրվարի 7-ին ծնվել է Իսահակ Ալիխանյանը՝ թատրոնի հայ դերասան, ՀԽՍՀ եւ ՎԽՍՀ ժողովրդական արտիստ (մահ.՝ 1946 թ.):
-1478 թ. փետրվարի 7-ին ծնվել է Թոմաս Մորը՝ անգլիացի նշանավոր մտածող, գրող, քաղաքական գործիչ, կաթոլիկ եկեղեցու սուրբ, Վերածննդի դարաշրջանի հումանիստ, հայտնի է իր «Ուտոպիա» երկով (մահ.՝ 1535 թ.):
-1807 թ. փետրվարի 7-ին տեղի ունեցավ Պրեյսիշ-Էյլաուի ճակատամարտը՝ ռուս-ֆրանսիական-պրուսական պատերազմի նշանավոր մարտերից մեկը։
-1832 թ. փետրվարի 7-ին ռուս մաթեմատիկոս Նիկոլայ Լոբաչեւսկին Ռուսաստանի գիտությունների ակադեմիայում ներկայացրեց Էվկլիդեսյանից տարբերվող իր նոր երկրաչափությունը:
-1910 թ. փետրվարի 7-ին ծնվել է Մամիկոն Առուստամյանը՝ հայ փիլիսոփա, փիլիսոփայական գիտությունների դոկտոր (1971), պրոֆեսոր (1972), Հայրենական մեծ պատերազմի մասնակից։
-1922 թ. փետրվարի 7-ին ծնվել է Մկրտիչ Սեդրակյանը՝ հայ նկարիչ, ՀԽՍՀ վաստակավոր նկարիչ (1967), ՀԽՍՀ ժողովրդական նկարիչ (1985)։ Հայրենական մեծ պատերազմի մասնակից:
Մ. Ա.
Բաժանորդագրվեք մեր ալիքին Telegram-ում