Փարիզում ոստիկանները ձերբակալել են դանակներով իրենց վրա հարձակվել փորձող տղամարդու
20:43, 30 Հոկտեմբեր 2020
ԵՐԵՎԱՆ, 30 ՀՈԿՏԵՄԲԵՐԻ, ԱՐՄԵՆՊՐԵՍ: Փարիզի ոստիկանները ձերբակալել են տղամարդուն, ով փորձել է դանակներով նրանց վրա հարձակվել: Ինչպես հաղորդում է «Արմենպրես»-ը, այս մասին հայտնում է Reuters գործակալությունը:
Ոստիկաններն ահազանգ են ստացել, որ քաղաքի հարավ-արևմտյան շրջաններից մեկում դանակով զինված տղամարդը թակել է հարևանի դուռը:
Գործակալության աղբյուրի փոխանցմամբ՝ ոստիկանները տղամարդու հետ առճակատվել են շինության բակում, նրան վնասազերծելու համար կիրառել են էլեկտրոշոկ և ռետինե փամփուշտներ: Միջադեպի հետևանքով այլ մարդիկ չեն տուժել:
Նշվում է, որ միջադեպը հաջորդել է Նիցցայում տեղի ունեցած հարձակմանը, որի հետևանքով 3 մարդ է զոհվել:
Բաժանորդագրվեք մեր ալիքին Telegram-ում