Ժամանակը Երևանում՝ 11:07:36,   28 Նոյեմբեր

Օնտարիոյի օրենսդիր մարմնի ներկայացուցիչը դատապարտել է Արցախի բնակիչների նկատմամբ Ադրբեջանի կողմից կասետային ռումբ կիրառելը

Օնտարիոյի օրենսդիր մարմնի ներկայացուցիչը դատապարտել է Արցախի բնակիչների նկատմամբ Ադրբեջանի կողմից կասետային ռումբ կիրառելը

ԵՐԵՎԱՆ, 28 ՀՈԿՏԵՄԲԵՐԻ, ԱՐՄԵՆՊՐԵՍ: Կանադայի Օնտարիո քաղաքի օրենսդիր մարմնի հնդիկ պատգամավոր Գուրաթան Սինխը դատապարտել է Արցախի խաղաղ բնակչության նկատմամբ Ադրբեջանի կողմից կասետային ռումբի կիրառումը: «Արմենպրես»-ի փոխանցմամբ` Սինխը խորհրդարանում իր ելույթում անհրաժեշտ է համարել անմիջապես վերջ տալ Լեռնային Ղարաբաղի հակամարտությանը:

«Հենց հիմա աշխարհը հետևում է մարդու իրավունքների ոլորտում ծավալվող ճգնաժամին։ Մարդիկ անհանգստացած են Լեռնային Ղարաբաղի շարունակվող հակամարտությամբ, որը նաև հայտնի է որպես Արցախ, և նրա ավերիչ հետևանքներով ՝ մարդկանց մահով, ցավով, տառապանքով։ Մենք պետք է անհապաղ վերջ տանք այդ հակամարտությանը։ Լեռնային Ղարաբաղից դաժան տեղեկություններ են ստացվում բռնության, դպրոցների ու հիվանդանոցների վրա հարձակումների, խաղաղ բնակիչների վիրավորումների ու սպանությունների մասին։ Միջազգային կազմակերպությունները, նույնիսկ, հայտնել են Ադրբեջանի կողմից կասետային ռումբերի օգտագործման մասին։ Ադրբեջանի կողմից այդ ռումբերի կիրառումը սարսափ է առաջացնում»,- ասել է խորհրդարանականը:

Նա նշել է, որ խաղաղ բնակչության նկատմամբ կասետային ռումբի կիրառումը հակասում է միջազգային մարդասիրական իրավունքներին:

Արցախի դեմ սեպտեմբերի 27-ից Ադրբեջանի` Թուրքիայի և վարձկան-ահաբեկիչների աջակցությամբ սանձազերծած ռազմական գործողությունների ընթացքում երեք անգամ` հոկտեմբերի 10-ին Ռուսաստանի, հոկտեմբերի 18-ին Ֆրանսիայի, հոկտեմբերի 26-ին ԱՄՆ-ի միջնորդությամբ հայտարարվել է հրադադարի մասին, սակայն Ադրբեջանը ուժի մեջ մտնելուց րոպեներ անց խախտել է դրանք, ձեռնարկել դիվերսիոն գրոհներ, հրետակոծել առաջնագիծն ու խաղաղ բնակավայրերը։





https://zen.yandex.ru/id/5dee07a31e8e3f00ae3051c1


youtube

Բոլոր նորությունները    


Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
settings Էջի կարգավորումներ