Նախագահը ստորագրել է մի խումբ զինվորականների նոր կոչումներ շնորհելու հրամանագրեր
16:00, 15 Հոկտեմբեր 2020
ԵՐԵՎԱՆ, 15 ՀՈԿՏԵՄԲԵՐի, ԱՐՄԵՆՊՐԵՍ: Հայաստանի Հանրապետության նախագահ Արմեն Սարգսյանը հրամանագրեր է ստորագրել մի խումբ զինվորականների նոր կոչումներ շնորհելու մասին:
«Արմենպրես»-ի փոխանցմամբ՝ Հայաստանի Հանրապետության զինված ուժերի գլխավոր շտաբի պետ, գեներալ-լեյտենանտ Օնիկ Գասպարյանին շնորհվել է գեներալ-գնդապետի զինվորական կոչում:
Նախագահի մեկ այլ հրամանագրով 2-րդ բանակային կորպուսի հրամանատար, գնդապետ Արայիկ Հարությունյանին շնորհվել է գեներալ-մայորի զինվորական կոչում:
4-րդ բանակային կորպուսի հրամանատար, գնդապետ Արտակ Բուդաղյանին շնորհվել է գեներալ-մայորի զինվորական կոչում:
Բաժանորդագրվեք մեր ալիքին Telegram-ում