Բայդենին առաջադրել են Խաղաղության Նոբելյան մրցանակի
ԵՐԵՎԱՆ, 30 ՍԵՊՏԵՄԲԵՐԻ, ԱՐՄԵՆՊՐԵՍ: Մեծ Բրիտանիայի Լեյբորիստական կուսակցության անդամ Քրիս Բրայանթը ԱՄՆ-ի նախագահի պաշտոնի համար Դեմոկրատական կուսակցությունից թեկնածու Ջո Բայդենին առաջադրել Է Խաղաղության Նոբելյան մրցանակի, տեղեկացնում Է «Արմենպրես»-ը:
«Երբ ոմանք դիմեցին բռնի որոշումների, նա պնդեց, որ լավագույն ուժը համոզելու ուժն Է: Որովհետեւ զենքը կարող Է կանգնեցնել սիրտը, սակայն համապատասխան խոսքերը կարող են փոխել բազմաթիվ սրտեր, իսկ բազմաթիվ սրտերը կարող են փոխել աշխարհը»,-Բրայանթը հայտարարել Է Evening Standard հրատարակությանը:
Բրայանթը Բայդենին անվանակարգելու մտադրության մասին հայտնել Է ԱՄՆ-ի նախագահի թեկնածուների նախընտրական բանավեճերի նախաշեմին: Ավելի վաղ Խաղաղության Նոբելյան մրցանակի Էին առաջադրել Բայդենի ընդդիմախոսին՝ ԱՄՆ-ի նախագահ Դոնալդ Թրամփին: Թրամփին այս կատեգորիայում առաջադրել են արդեն երեք անգամ՝ Նորվեգիայի «Առաջադիմության կուսակցությունից» պատգամավոր Քրիստիան Թիբրինգ-Գեդդեն, Շվեդիայի խորհրդարանի անդամ Մագնուս Յակոբսոնը եւ ավստրալացի պրոֆեսոր Դեւիդ Ֆլինթն ու նրա երեք գործընկերները, հաղորդել Է ՌԻԱ Նովոստին:
Բաժանորդագրվեք մեր ալիքին Telegram-ում