Ժամանակը Երևանում՝ 11:07:36,   22 Հոկտեմբեր

Հայաստանը պատերազմ սկսելու շարժառիթ չունի, Ադրբեջանն առաջինն է սկսել. Թոմաս դե Վաալ

Հայաստանը պատերազմ սկսելու շարժառիթ չունի, Ադրբեջանն առաջինն է սկսել. Թոմաս 
դե Վաալ

ԵՐԵՎԱՆ, 27 ՍԵՊՏԵՄԲԵՐԻ, ԱՐՄԵՆՊՐԵՍ: Հարավային Կովկասի գծով ճանաչված վերլուծաբան Թոմաս դե Վաալը վստահ է, որ Ադրբեջանն առաջինն է սկսել արցախա-ադրբեջանական շփման գծում ռազմական գործողությունները, քանի որ Հայաստանը պատերազմ սկսելու որևէ շարժառիթ չունի: «Արմենպրես»-ի փոխանցմամբ` այս մասին Վաալն ասել է «Ահվալ» գործակալությանը տված հարցազրույցում:

«Հայկական կողմը 1990-ական թվականներին հաղթել է պատերազմը, իրենք ունեն այն տարածքը, որը ցանկանում են: Նրանց շարժառիթը ստատուս-քվոն կարգավորելն է»,- ասել է Վաալը:

Թոմաս դե Վաալը հավելել է, որ մի քանի պատճառներից ելնելով Ադրբեջանը կարծում է, որ ռազմական գործողություններն իրեն հաղթանակ կբերեն:

Սեպտեմբերի 27-ի վաղ առավոտյան շփման գծի ողջ երկայնքով Ադրբեջանն ակտիվ հրետակոծություն է սկսել: Հրետակոծվում են նաև խաղաղ բնակավայրերը, այդ թվում մայրաքաղաք Ստեփանակերտը: Բնակչությանը կոչ է արվել պատսպարվել: Ստեփանակերտը հայտարարել է, որ պատասխանը լինելու է համաչափ, և իրավիճակի ողջ պատասխանատվությունը կրում է Ադրբեջանի ռազմաքաղաքական ղեկավարությունը և անձամբ Իլհամ Ալիևը: Պաշտպանության բանակը հուժկու հարվածներով կասեցնում է հակառակորդի գործողությունները։ Ճշտված տեղեկություններով՝ հակառակորդն ունի մոտ 200 մարդկային կորուստ, երեք տասնյակին մոտ զրահատեխնիկայի կորուստ և երկու տասնյակին մոտ ԱԹՍ-ների և այլ սարքավորումների կորուստ: Արցախի խաղաղ բնակչության շրջանում կան զոհեր և վիրավորներ, Մարտունու շրջանում մեկ կին և մեկ երեխա են զոհվել:

Նախնական տվյալներով հայկական կողմն ունի 16 զոհ և հարյուրից ավելի վիրավոր: Հայաստանում և Արցախում հայտարարվել է ռազմական դրություն և զորահավաք:





https://zen.yandex.ru/id/5dee07a31e8e3f00ae3051c1


youtube

Բոլոր նորությունները    


Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
settings Էջի կարգավորումներ