ԵՐԵՎԱՆ, 25 ՍԵՊՏԵՄԲԵՐԻ, ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ/ԱՐՄԵՆՊՐԵՍ: «Նորից Հաղպատ, ինչպես հանճարեղ Սայաթ Նովայի պարագայում է եղել: Երկամյա ասքորից հետո հայ մտավորականին ուղարկում են Նախիջևանի Սուրբ Խաչ վանք: Այստեղ նույնպես նա երազում էր լուսավորության ջահ վառել: Սակայն Նախիջևանին բախտ չէր վիճակված ականատես լինելու իր ուսյալ վանականի լուսավորական ձեռնարկումներին: Բանաստեղծն սպանվել է դավադրաբար 1834 թ. և թաղվել վանքի եկեղեցու առջև: 1862-ին վանահայր Գաբրիել Այվազովսկին հիմնովին վերանորոգել է վանքի եկեղեցին, առաջնորդարանի շենքը, կառուցել եկեղեցու արևմտյան ճակատի առջև երկհարկանի զանգակատունը, բլրի թեք լանջին՝  դեպի այգին տանող քարե աստիճանները, վանքի աղբյուրի խոշոր ըմպելասրահը: 1865-ին եկեղեցու առջև թաղվել է գրող, հրապարակախոս, փիլիսոփա, հայ քննադատության և գեղագիտության հիմնադիր Միքայել Նալբանդյանը, 1892-ին՝  բանաստեղծ, արձակագիր, հասարակական գործիչ Ռափայել Պատկանյանը: 1902-ին նրանց գերեզմանների վրա, հանգանակված միջոցներով, դրվել են քանդակագործ Անդրեաս Մարուքյանի պատրաստած կիսանդրիները»:

                            Նյութն ամբողջությամբ կարդացեք թերթի այսօրվա համարում: