Անտոնիո Բանդերասը հաղթահարել է կորոնավիրուսը
20:09, 25 Օգոստոս 2020
ԵՐԵՎԱՆ, 25 ՕԳՈՍՏՈՍԻ, ԱՐՄԵՆՊԵՐՍ: Իսպանացի դերասան, ռեժիսոր Անտոնիո Բանդերասը հաղթահարել է կորոնավիրուսը: «Արմենպրես»-ի փոխանցմամբ՝ այս մասին Բանդերասը հայտնել է «Ֆեյսբուք»-ի իր պաշտոնական էջում:
«21 օր կարգապահ մեկուսացումից հետո այժմ կարող եմ ասել, որ այսօր ես հաղթահարեցի Covid-19 վարակը: Ես բուժվել եմ: Ցանկանում եմ ուժ նրանց, ովքեր գտնվում են այս պայքարի կեսին»,- գրել է Բանդերասը:
Օգոստոսի 10-ին 60-ամյա Անտոնիո Բանդերասը հայտնել էր, որ կորոնավիրուսի իր թեստի պատասխանը դրական է:
Բաժանորդագրվեք մեր ալիքին Telegram-ում