Հունիսին ծնվածների մեջ աղջիկները գերակշռել են, ճիշտ է՝ ընդամենը մեկով
16:00, 2 Հուլիս 2020
ԳԱՎԱՌ, 2 ՀՈՒԼԻՍԻ, ԱՐՄԵՆՊՐԵՍ: 2020 թվականի հունիսին Գեղարքունիքի մարզի ծննդօգնություն իրականացնող բուժհաստատություններում ծնված երեխաների մեջ աղջիկների թիվը տղաներին գերազանցել է մեկով:
Ինչպես «Արմենպրես»-ին տեղեկացրին Գեղարքունիքի մարզպետարանի առողջապահության եւ սոցիալական ապահովության վարչությունից, հունիսին մարզի բուժհաստատություններում ծնվել է 97 երեխա՝ 48 տղա եւ 49 աղջիկ: 39 երեխա ծնվել է Մարտունու ծննդատանը, 24 երեխա՝ Սեւանի, 19-ը՝ Գավառի բժշկական կենտրոններում, 14-ը՝ Վարդենիսի հիվանդանոցում: Ճամբարակի առողջության կենտրոնում գրանցվել է ընդամենը 1 ծնունդ:
Նույն աղբյուրի հավաստմամբ՝ ծնվածներից 31-ը լույս աշխարհ են եկել կեսարյան հատումով:
Խոսրով Խլղաթյան
Բաժանորդագրվեք մեր ալիքին Telegram-ում