ԵՐԵՎԱՆ, 26 ՀՈՒՆԻՍԻ, ԱՐՄԵՆՊՐԵՍ: «Այսօր մեծանուն երաժիշտ Արտեմի Այվազյանի ծննդյան օրն է... Պանդոկներում, պարահրապարակներում, կինոթատրոններում, փողոցի ամենատարբեր անկյուններում հնչում էին ջազի ըմբոստ, հուզալի, ազատ հնչյունները: Աշխարհը լսում էր ջազ: Սակայն խորհրդային իշխանությունը վտանգ էր տեսնում կապանքներ չընդունող ջազային երաժշտության մեջ: Այն համարվեց բուրժուական մշակույթի մի մաս, ինչպես, օրինակ, սաքսոֆոնի կորացած  «գլուխը» համարվեց խոնարհում բուրժուական գաղափարների առջեւ: Խորհրդային երկրներում արգելվեցին ջազային ելույթները:

Այդ ընթացում Հայաստանում տարբեր ջազային նվագախմբեր դադարեցնում էին իրենց գործունեությունը, մինչդեռ 1938 թ. ստեղծվեց Հայաստանի պետական  էստրադային նվագախումբը՝ ջազ բառը խնամքով թաքցնելով  խորհրդային իշխանություններից, որի գեղարվեստական ղեկավարն Արտեմի Այվազյան էր: Չնայած խորհրդային գաղափարախոսության արգելքներին՝ նա կառավարության հովանավորությամբ ջազը դարձրեց «պետական երաժշտություն»...

Արտեմի Այվազյան՝ հայ անվանի կոմպոզիտոր, թավջութակահար, խմբավար, ՀԽՍՀ ժողովրդական արտիստ: Նա համարվում է հայ ազգային էստրադային երաժշտության հիմնադիրը...»:

                     Նյութն ամբողջությամբ կարդացեք թերթի այսօրվա համարում։