ԵՐԵՎԱՆ, 23 ՀՈՒՆԻՍԻ, ԱՐՄԵՆՊՐԵՍ: «2014 թ. հունիսի 22-ին ՀՀ ԱԺ պատգամավոր Տաճատ Վարդապետյանը «Գաֆեսճյան» կենտրոնում կայացած արագ շախմատի բլից մրցաշարում պարտության մատնեց աշխարհի գործող չեմպիոն նորվեգացի Մագնուս Կառլսենին: Ախալքալաքի Փոքր Գոնդուրա գյուղում ծնված հայ նախկին պատգամավորից, ով այժմ «Վիրահայերի միասնություն» հայրենակցական միության նախագահն է, ընդամենը 3,5 րոպե պահանջվեց՝ իր «սուրը փառքով պատյան դնելու համար»: Տաճատ Վարդապետյանը Մագնուս Կառլսենին G4 քայլի արդյունքում ստիպեց կորցնել թագուհուն: Նորվեգացի հռչակավոր շախմատիստին ոչինչ չէր մնում անել, քան շնորհավորել իր մրցակցին հաղթանակի առթիվ:

Ասում են՝ պատահական հաղթանակներ չեն լինում: Եվ դա այդպես է: Մագնուս Կառլսենը թերագնահատել էր Տիգրան Պետրոսյանի ու Լեւոն Արոնյանի հայրենակցին: Հավանաբար, չգիտեր, որ Հայաստանում՝ շախմատային այդ գերտերությունում, շատերն են ի վիճակի շարունակելու շախմատային հաղթանակի ավանդույթները: Իսկ Տաճատ Վարդապետյանը «ՀՀ»-ի հետ սիրով վերհիշել է այդ օրվա տպավորությունները...»:

               Նյութն ամբողջությամբ կարդացեք թերթի այսօրվա համարում: