ԵՐԵՎԱՆ, 6 ՀՈՒՆԻՍԻ, ԱՐՄԵՆՊՐԵՍ: Մեծ քսանյակի երկրները խոստացել են աջակցել կորոնավիրուսի դեմ պայքարում: «Արմենպրես»-ի հաղորդմամբ, «Deutsche Welle»-ն տեղակցնում է, որ ըստ կազմակերպության, հունիսի 6-ի դրությամբ երկրները պարտավորվել են հատկացնել 21 միլիարդ դոլար համաշխարհային առողջապահությանն աջակցելու համար: Այդ միջոցները կուղղորդվեն կորոնավիրուսի ախտորոշմանը, պատվաստանյութի ստեղծմանը, ինչպես նաև հետազոտություններին: Սաուդիան Արաբիան, որը ներկայում է նախագահում է G20-ը, կհատկացնի 500 մլն դոլար կորոնավիրուսի դեմ պայքարի համար:

Նոր կորոնավիրուսի առաջացրած հիվանդության բռնկումը 2019-ի վերջին գրանցվել է Կենտրոնական Չինաստանում, այնուհետև տարածվել 210-ից ավելի երկրում և տարածքում: Մարտի 11-ին Առողջապահության համաշխարհային կազմակերպության կողմից ճանաչվել է համավարակ (պանդեմիա): Աշխարհում կորոնավիրուսով վարակվածների թիվն անցնում է 6 միլիոն 874 հազարը: Մահերի թիվը մոտենում է 400 հազարին: