Ռումինիայում կորոնավիրուսի դեպքերի թիվը հասել է 20 290-ի
15:00, 6 Հունիս 2020
ԵՐԵՎԱՆ, 6 ՀՈՒՆԻՍԻ, ԱՐՄԵՆՊՐԵՍ: Ռումինիայում կորոնավիրուսի դեպքերի թիվը մեկ օրում ավելացել է 187-ով՝ հասնելով 20 հազար 290-ի: «Արմենպրես»-ի փոխանցմամբ՝ այս մասին տեղեկացնում է «ՌԻԱ Նովոստի»-ն՝ հղում կատարելով «Դիջի 24» հեռուստաալիքին:
Ավելի վաղ երկրի իշխանությունները հաղորդել էին, որ 20 հազար 103 դեպք կա:
Ընդհանուր առմամբ Ռումինիայում կորոնավիրուսից մահացել է 1318 մարդ: Միևնույն ժամանակ, իշխանությունները հայտնում են, որ 14.4 հազար պացիենտ բուժվել է և դուրս գրվել հիվանդանոցներից:
Աննա Գրիգորյան
Բաժանորդագրվեք մեր ալիքին Telegram-ում