Ժամանակը Երևանում՝ 11:07:36,   26 Հոկտեմբեր

ԿԳՄՍ նախարարությունը նախաձեռնում է բարեգործական միջոցառում

ԿԳՄՍ նախարարությունը նախաձեռնում է բարեգործական միջոցառում

ԵՐԵՎԱՆ,  20 ԱՊՐԻԼԻ, ԱՐՄԵՆՊՐԵՍ։ Հայաստանի Հանրապետության կրթության, գիտության, մշակույթի և սպորտի նախարարությունը, «Տաշիր» բարեգործական հիմնադրամի աջակցությամբ, համագործակցելով Հայաստանի կոմպոզիտորների, Հայաստանի նկարիչների, Հայաստանի թատերական գործիչների, Հայաստանի գրողների, Հայաստանի կինոմատոգրաֆիսնտների միությունների հետ նախաձեռնում է բարեգործական միջոցառում՝ «ԵՂԵՔ ԱՌՈՂՋ, ՄՆԱՑԵՔ ՏԱՆԸ» խորագրով։  «Արմենպրես»-ին այս մասին հայտնեցին ՀՀ ԿԳՄՍ նախարարությունից։

«Միջոցառման շրջանակում հորդորում ենք ոլորտի ավագ սերնդի վաստակաշատ գործիչներին պահպանել պարետատան ցուցումները: Բարեգործական միջոցառման շրջանակներում նրանց կտրամադրվեն բժշկական և պարենային ապրանքներ: ՀՀ ԿԳՄՍՆ-ն բարեգործական միջոցառումն իրականացնելու նպատակով հավաքագրում է կամավորների: Բոլոր նրանք, ովքեր պատրաստակամ են առաջիկա օրերին միանալու նախաձեռնությանը, կարող են զանգահարել հետևյալ հեռախոսահամարին` (010) 599-631»,- ասված է հաղորդագրության մեջ:








youtube

Բոլոր նորությունները    


Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]