Ժամանակը Երևանում՝ 11:07:36,   6 Մայիս

Ստորերկրյա ջրային ռեսուրսների հորատումները կվերահսկվեն

Ստորերկրյա ջրային ռեսուրսների հորատումները կվերահսկվեն

ԵՐԵՎԱՆ, 17 ԱՊՐԻԼԻ, ԱՐՄԵՆՊՐԵՍ: ՀՀ ազգային ժողովը երկրորդ ընթերցմամբ և ամբողջությամբ ընդունեց «ՀՀ ջրային օրենսգրքում լրացումներ կատարելու մասին» օրենքի նախագիծը, որով հնարավորություն կտրվի վերահսկել ստորերկրյա ջրային ռեսուրսների հորատումները: 

«Արմենպրես»-ի փոխանցմամբ՝ նախագիծը հեղինակել է կառավարությունը։

Օրենքի նախագծով կանոնակարգվելու է հորատում իրականացնող հաստոցների տեղադիրքին առցանց հետևելու տեխնիկական սարքավորումների կարգը: Ջրային օրենսգրքով նախատեսված է, որ ստորերկրյա քաղցրահամ ջրերի հորատման համար անհրաժեշտ է լինելու առցանց հետևել, սակայն կարգավորված չէ, թե ում միջոցներով պետք է ձեռք բերվեն այդ սարքավորումները, և ինչպես պետք է իրականացվի գործընթացը: Նախագիծը հնարավորություն է տալու այսուհետ վերահսկել հիմնականում Արարատյան դաշտում ստորերկրյա ջրային ռեսուրսների մասով իրականացվող հորատումները, և համադրության արդյունքում հնարավոր կլինի հասկանալ՝ այդ հորատումները օրենքին համապատասխա՞ն են իրականացվում, թե ոչ:

«ՀՀ ջրային օրենսգրքում լրացումներ կատարելու մասին» օրենքի նախագիծն ընդունվեց միաձայն` 105 «կողմ» ձայնով։

Նորայր Շողիկյան








youtube

Բոլոր նորությունները    


Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
settings Էջի կարգավորումներ