Ժամանակը Երևանում՝ 11:07:36,   30 Մայիս

Իսրայելի նախագահը Զատկի տոնի առիթով շնորհավորել է Երուսաղեմի հայոց պատրիարքին

Իսրայելի նախագահը Զատկի տոնի առիթով շնորհավորել է Երուսաղեմի հայոց 
պատրիարքին
ԵՐԵՎԱՆ, 13 ԱՊՐԻԼԻ, ԱՐՄԵՆՊՐԵՍ։ Իսրայելական կողմի նախաձեռնությամբ` հեռախոսազրույց է տեղի ունեցել Իսրայելի նախագահ Ռեուվեն Ռիվլինի և Երուսաղեմի հայոց պատրիարք Նուրհան արքեպիսկոպոս Մանուկյանի միջև։ «Արմենպրես»-ի փոխանցմամբ` այս մասին «Ֆեյսբուք»-ի իր էջում գրել է Երուսաղեմի հայոց  պատրիարքարանի դիվանապետ Կորյուն վարդապետ Բաղդասարյանը։
«Ապրիլի 13-ին, իսրայելական կողմի նախաձեռնությամբ` հեռախոսազրուց տեղի ունեցավ Իսրայելի մեծարգո նախագահ, պարոն Ռեուվեն Ռիվլինի և Երուսաղեմի հայոց պատրիարք Նուրհան Արքեպիսկոպոս Մանուկյանի միջև։ Հեռախոսազրույցի ընթացքում պարոն Ռիվլինը շնորհավորեց Պատրիարք Սրբազանին Զատկի տոնի կապակցությամբ և նաեւ քննարկեց Իրավատեր երեք համայնքների կողմից իրեն ուղղված Սուրբ Հարության տաճարը բացելու և Ավագ Շաբաթվա արարողություններին վերաբերող հարցեր»,– գրել է Բաղդասարյանը։
Հայ առաքելական սուրբ եկեղեցին ապրիլի 5-ին նշեց սուրբ Հարության տոնը: Հիսուս Քրիստոսի Հարության տոնը կոչվում է Զատիկ: Զատկին հունարեն «փասկա» են ասում, որը նշանակում է գաղթ: Վարդապետներն այս բառի «փ» տառը փոխարինել են «պ»-ով, «կ»-ն՝ «ք»-ով և «պասքա» վերանվանել:
Սուրբ Գերեզմանը քրիստոնեական աշխարհի գլխավոր սրբավայրերից է, որտեղ խաչելությունից հետո ամփոփվել է Հիսուս Քրիստոսը: Քրիստոսի գերեզմանի, Գողգոթայի Խաչելության և մի շարք այլ սրբավայրերի վրա 4-րդ դարում Բյուզանդիայի կայսր Կոստանդինոս Մեծը կառուցել է Սուրբ Հարության տաճարը: Սբ Գերեզմանի իրավատեր երեք եկեղեցիներն են` Երուսաղեմի Հայոց պատրիարքարանը, Հունաց պատրիարքարանը և Կաթոլիկ եկեղեցին։
Նորայր Շողիկյան




https://zen.yandex.ru/id/5dee07a31e8e3f00ae3051c1


youtube

Բոլոր նորությունները    


New Xar

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
settings Էջի կարգավորումներ