Այսօր՝ ապրիլի 8-ին
ԵՐԵՎԱՆ, 8 ԱՊՐԻԼԻ, ԱՐՄԵՆՊՐԵՍ: 1911 թ. այս օրը հոլանդացի ֆիզիկոս եւ քիմիկոս Հեյկե Կամերլինգ Օնեսը հայտնաբերեց գերհաղորդականությունը:
* 1938 թ. այս օրը ծնվել է Քոֆի Անանը՝ գանացի դիվանագետ եւ քաղաքական գործիչ, 1997-2006 թթ. եղել է Միավորված ազգերի կազմակերպության գլխավոր քարտուղարը:
* 1971 թ. այս օրը Լոնդոնի մերձակայքում տեղի ունեցավ գնչուների առաջին համաշխարհային ժողովը, որի ընթացքում հաստատվեցին նրանց հիմնը եւ դրոշը:
* 1973 թ. այս օրը մահացել է Պաբլո Պիկասոն՝ իսպանացի հայտնի նկարիչ, քանդակագործ (ծնվ.՝ 1881 թ.):
* 1692 թ. այս օրը ծնվել է Ջուզեպպե Տարտինին՝ իտալացի ջութակահար:
* 2013 թ. այս օրը մահացել է Մարգարետ Թետչերը՝ պահպանողական կուսակցության առաջնորդ, բարոնուհի: Հայտնի է որպես «երկաթե տիկին» (iron lady)։ Նա առաջին կինն է, ով զբաղեցրել է Մեծ Բրիտանիայի վարչապետի պաշտոնը։
Գիտե՞ք, որ...
* Աշխարհի ամենամեծ ծննդյան տորթը կշռում էր 11 տոննա 340 կգ, ուներ 7 մետր բարձրություն, պատրաստվել է 1962 թ.` Սիեթլի միջազգաին տոնավաճառի ժամանակ:
* Աշխարհի ամենամեծ շոկոլադե սալիկը կշռում է 5792 կգ, պատրաստվել է Բրիտանիայում 2011 թ.:
* Աշխարհի ամենամեծ «Բոինգի» արտադրության գործարանը գտնվում է Վաշինգտոնում, ունի 100 հեկտար տարածք, նախատեսված է միանգամից 747 օդանավ պատրաստելու համար:
* Աշխարհի ամենամեծ պիցցան՝ 39.6 տրամագծով, պատրաստել են իտալացի խոհարարները Հռոմում` 2012 թ.:
* Աշխարհի ամենամեծ լողավազանը գտնվում է Չիլիում, այն ունի 914 մ երկարություն, 326 մ լայնություն եւ 35 մ խորություն:
Մ. Ա.
Բաժանորդագրվեք մեր ալիքին Telegram-ում