«Կարկոմավտո» ՍՊԸ-ն ավտոմեքենա է նվիրաբերում ՊՆ-ին
14:14, 2 Ապրիլ 2020
ԵՐԵՎԱՆ, 2 ԱՊՐԻԼԻ, ԱՐՄԵՆՊՐԵՍ: Կառավարությունն ընդունեց որոշում, որով «Կարկոմավտո» ՍՊԸ-ից որպես նվիրատվություն է ընդունվում NISSAN X-TRAIL SV մակնիշի (թողարկման տարեթիվ՝ 2019թ., շարժիչի ծավալ՝ 2,5լ, 170 ձիաուժ) 13.71 մլն դրամ հաշվեկշռային արժեքով ավտոմեքենան, և այն ամրացվում է Պաշտպանության նախարարությանը՝ վերջինիս կարիքների համար օգտագործման նպատակով:
«Արմենպրես»-ի փոխանցմամբ, ըստ հիմնավորման, նախագծի ընդունման անհրաժեշտությունը պայմանավորված է այն հանգամանքով, որ ՀՀ պաշտպանության նախարարին է դիմել «Կարկոմավտո»-ի գլխավոր տնօրենը՝ Բանակի կազմավորման 28-րդ տարեդարձի կապակցությամբ ՀՀ պաշտպանության նախարարությանը NISSAN XTRIL մակնիշի ավտոմեքենա նվիրելու ցանկությամբ:
Նվիրվող գույքը հարկային պարտավորություններ չունի:
Բաժանորդագրվեք մեր ալիքին Telegram-ում