Փրկարարները մարել են Ոսկևան գյուղում բռնկված հրդեհը
10:45, 30 Մարտ 2020
ԵՐԵՎԱՆ, 30 ՄԱՐՏԻ, ԱՐՄԵՆՊՐԵՍ։ Ճգնաժամային կառավարման ազգային կենտրոն մարտի 29-ին, ժամը 17:45-ին ահազանգ է ստացվել, որ Տավուշի մարզի Ոսկևան գյուղում այրվում է խոտածածկ տարածք: «Արմենպրես»-ին այս մասին հայտնեցին ՀՀ ԱԻՆ տեղեկատվության և հասարակայնության հետ կապերի վարչությունից։
Դեպքի վայր է մեկնել ԱԻՆ ՓԾ քաղաքացիական պաշտպանության վարչության քաղաքացիական պաշտպանության ուժերի հավաքական կենտրոնի Նոյեմբերյանի հատուկ օբյեկտների պաշտպանության Ոսկևանի խումբը:
Պարզվել է, որ հրդեհը բռնկվել է գյուղի 2-րդ փողոցի տներից մեկի մոտակայքում:
Հրդեհը մեկուսացվել է ժամը 18:00-ին, մարվել՝ 18:10-ին: Այրվել են խոտածածկույթ (մոտ 15 քմ) և չբնակեցված տան շքամուտքի փայտյա հատակը (մոտ 10 քմ):
Բաժանորդագրվեք մեր ալիքին Telegram-ում