Այսօր՝ մարտի 29-ին
ԵՐԵՎԱՆ, 29 ՄԱՐՏԻ, ԱՐՄԵՆՊՐԵՍ: 1848 թ. այս օրը Նիագարա գետի սառցակալման պատճառով Նիագարայի ջրվեժը դադարեց թափվել մոտ 30 ժամով:
* 2004 թ. այս օրը Իռլանդիայում աշխարհում առաջին անգամ ընդունվեց օրենք ծխախոտի արգելման մասին, համաձայն որի արգելվում էր ծխելն աշխատատեղերում՝ ներառյալ սրճարաններն ու ռեստորանները:
* 2008 թ. այս օրը մոտ 35 երկիր եւ 350 քաղաք մասնակցեցին «Երկրագնդի ժամ» միջազգային գործողությանը: «Երկրագնդի ժամ» միջազգային միջոցառում, որ խնդրում եւ քաջալերում է մարդկանց, համայնքներին եւ կազմակերպություններին, որ իրենց լույսերը եւ ոչ հիմնարար էլեկտրական հարմարանքները մարեն մեկ ժամով` մարտի 29-ի երեկոյան ժամը 8-ից մինչեւ 9-ը՝ մարդկության ուշադրությունը ուղղելու կլիմայի փոփոխության վրա եւ քաջալերելու էլեկտրականության եւ, առհասարակ, էլեկտրական սարքերի խելամիտ օգտագործումը։ Նպատակ ունի նաեւ միջոցառման միջոցով նվազեցնել լուսային աղտոտումը։
* 1967 թ. այս օրը Ֆրանսիայում ջուրն է իջեցվում առաջին միջուկային սուզանավը:
Բաժանորդագրվեք մեր ալիքին Telegram-ում