«Ազատ Հայրենիքն» արտացոլում է հասարակության բոլոր խավերի կարծիքը
ԵՐԵՎԱՆ, 27 ՄԱՐՏԻ, ԱՐՄԵՆՊՐԵՍ։ Արայիկ Հարությունյանի «Ազատ Հայրենիք» կուսակցությունն արտացոլում է հասարակության բոլոր խավերի կարծիքը։
Ինչպես տեղեկացնում է «Արմենպրես»-ը, մարտի 27-ին մամուլի ասուլիսի ժամանակ այս մասին ասաց սոցիոլոգ Ահարոն Ադիբեկյանը՝ ներկայացնելով արցախցիների շրջանում անցկացված սոցհարցումների արդյունքները։
«Ամենաժողովրդավարական կառուցվածքին մոտ է «Ազատ Հայրենիք» կուսակցության ընտրազանգվածը։ Այդ կուսակցությունն ունի ամենամեծ ընտրազանգվածը և արտացոլում է հասարակության բոլոր խավերի կարծիքը՝ թե սեռական, թե կրթական և թե տարիքային առումով»,- ընդգծեց Ադիբեկյանը։
Նրա խոսքով՝ Վիտալի Բալասանյանի «Արդարություն» կուսակցության ընտրազանգվածում ավելի շատ են երիտասարդները, սակայն ընտրազանգվածի տոկոսային ծավալը քիչ է՝ 6 անգամ պակաս , քան «Ազատ Հայրենիք» կուսակցությանը։
Հարցումն իրականացվել է Ստեփանակերտի ուսանողների, երիտասարդական կազմակերպությունների ակտիվիստների շնորհիվ։
Արցախի Հանրապետության նախագահի և Ազգային ժողովի հերթական ընտրությունները չեն հետաձգվել և կայանալու են 2020 թվականի մարտի 31-ին:
Բաժանորդագրվեք մեր ալիքին Telegram-ում