Կարեն Ասրյանի հիշատակին նվիրված շախմատի միջազգային բաց մրցաշարը հետաձգվել է
ԵՐԵՎԱՆ, 12 ՄԱՐՏԻ, ԱՐՄԵՆՊՐԵՍ: Հայաստանի շախմատի ֆեդերացիայի կողմից հունիսի 20-30-ը Երևանում կազմակերպվող գրոսմայստեր Կարեն Ասրյանի հիշատակին նվիրված շախմատի միջազգային բաց մրցաշարը հետաձգվել է:
«Արմենպրես»-ի հաղորդմամբ` այս մասին հայտնում է շախմատի ֆեդերացիան: Պատճառն ամբողջ աշխարհում մեծ տարածում ստացող կորոնավիրուսն է:
Կարեն Ասրյանը միջազգային կարգի գրոսմայստեր էր 1998 թվականից, ԽՍՀՄ մինչև 10 տարեկանների չեմպիոն (1990), Հայաստանի չեմպիոն (1999), Եվրոպայի չեմպիոն (թիմային, 1999), Համաշխարհային շախմատային օլիմպիադայի բրոնզե մեդալակիր (2002), չեմպիոն (2006), աշխարհի թիմային առաջնության մրցանակակիր (2005): 2008 թ․ հունիսի 9-ին Կարեն Ասրյանը հանկարծամահ եղավ ուղեղի կաթվածից։ Նա կյանքից հեռացավ որպես համաշխարհային օլիմպիադայի և Հայաստանի գործող չեմպիոն։
Բաժանորդագրվեք մեր ալիքին Telegram-ում