«Հայաստանի Հանրապետություն» օրաթերթ․ Մարդ-հանրագիտարանը
ԵՐԵՎԱՆ, 29 ՓԵՏՐՎԱՐԻ, ԱՐՄԵՆՊՐԵՍ: «Հնաբնակ շատ քաշաթաղցիներ են անձամբ ճանաչում հուշարձանագետ, պատմաբան, Հայկական ճարտարապետությունն ուսումնասիրող հիմնադրամի երեւանյան գրասենյակի տնօրեն Սամվել Կարապետյանին, ով, ցավոք, մահկանացուն կնքեց օրերս՝ վաղ հասակում: Մեծ է նրա դերը, անգնահատելի՝ հայկական հուշարձանները ողջ աշխարհին ներկայացնելու գործում: Առավել անգնահատելի է հուշարձանագետի ծառայությունը հատկապես ազատագրված տարածքների Հայոց պատմական հուշարձաններն ուսումնասիրելու եւ ներկայացնելու գործում:
Հայկական ճարտարապետությունն ուսումնասիրող կազմակերպության (RAA) գիտխորհրդի հրատարակած «Հայ մշակույթի հուշարձանները Խորհրդային Ադրբեջանին բռնակցված շրջաններում» բազմահատոր գրքի 3-րդ հատորում Սամվել Կարապետյանը ներկայացրել է Քարվաճառի (Քյալբաջար), Քաշաթաղի (Լաչին), Քաշունիքի (Ղուբաթլու), Կովսականի (Զանգելան), Թարթառի (Միր-Բաշիր), Պարտավի (Բարդա), Աղդամի, Աղջաբերդու, Բայլականի, Ֆիզուլու եւ Ջաբրայիլի շրջանների հայկական պատմաճարտարապետական հուշարձանները: Դրանց մի մասը հուշարձանագետն ուսումնասիրել էր դեռեւս խորհրդային տարիներին՝ մշտապես վտանգելով կյանքը: Հեռավոր ու աշխարհից կտրված շատ բնակավայրեր է այցելել այդ տարիներին եւ թուրքերի ու քրդերի աչքի առաջ ուսումնասիրել հայկականը, ինչն արգելված էր: Այսօր այդ հուշարձաններից շատերը, որ մնացել են Ադրբեջանի տիրապետության տակ, քանդվել են թուրքերի կողմից, եւ միայն Սամվելի շնորհիվ գիտենք դրանց գոյության մասին»:
Նյութն ամբողջությամբ կարդացեք թերթի այսօրվա համարում։
Բաժանորդագրվեք մեր ալիքին Telegram-ում