Մահացել Է «Չառլիի հրեշտակները 2»-ից դերասանուհի Ջանեթ Դյուբուան
16:04, 19 Փետրվար 2020
ԵՐԵՎԱՆ, 19 ՓԵՏՐՎԱՐԻ, ԱՐՄԵՆՊՐԵՍ: ԱՄՆ-ի Գլենդեյլ քաղաքի (Կալիֆոռնիայի նահանգ) իր տանը վախճանվել Է ամերիկացի դերասանուհի Ջանեթ Դյուբուան: Այդ մասին հայտնել Է TMZ-ն, տեղեկացնում Է «Արմենպրես»-ը:
Նշվում Է, որ դերասանուհին մահացել Է քնած ժամանակ: Նրա վախճանն անսպասելի Էր ընտանիքի համար: Մահվանից մի քանի շաբաթ առաջ Դյուբուան հանդիպում Էր ունեցել երկրպագուների հետ: Դերասանուհին 74 տարեկան Էր: Դյուբուան ամերիկացի հանդիսատեսին առավել հայտնի Է «Բարի ժամանակներ» սիթքոմում խաղացած դերով, որը ցուցադրվել Է 1974-ից մինչեւ 1979 թվականը:
Նա մարմնավորել Է Վիլոնա Վուդսին: Նաեւ դերասանուհին նկարահանվել Է «Չառլիի հրեշտակները 2. միայն առաջ» ֆիլմում եւ «Շտապ օգնություն», «Բեւեռլի-Հիլզ 90210» եւ «Դետեկտիվ Ռաշը» սերիալներում:
Բաժանորդագրվեք մեր ալիքին Telegram-ում