ԵՐԵՎԱՆ, 17 ՀՈՒՆՎԱՐԻ, ԱՐՄԵՆՊՐԵՍ: Հայաստանում առաջին անգամ կայանալու է Կանանց ֆուտզալի բաց մրցաշար:  

 «Արմենպրես»-ի հաղորդմամբ`  այն անցկացվելու է տարիքային երկու առաջնություններում՝ Մ-15 տարեկաններ և բարձրագույն խումբ: «Ուրարտու» ֆուտբոլային ակումբը երկու առաջնություններում էլ մասնակցություն է ունենալու:    

Բարձրագույն խմբի առաջնության Բ խմբում «Ուրարտու-աղջիկներ-1» թիմի մրցակիցներն են՝ «Լոկոմոտիվ-աղջիկներ-1», «Ալաշկերտ-աղջիկներ», «Շիրակ-Հոմենմեն», «Արարատ-աղջիկներ-1» թիմերը:  Մինչև 15 տարեկանների մրցաշարի Ա խմբում հանդես եկող «Ուրարտու- աղջիկներ-2» թիմը կխաղա «Նիկարմ Իջևանի», «Լոկոմոտիվ աղջիկներ-2-ի» և «Նիկարմ Այգեհովիտի» հետ: