Ժամանակը Երևանում՝ 11:07:36,   28 Մարտ

Մակունցը պաշտոնապես հայտարարում է, որ այս պահին ռուսական գազի սակագնի թանկացման հետ կապված հարց չկա

Մակունցը պաշտոնապես հայտարարում է, որ այս պահին  ռուսական գազի սակագնի 
թանկացման հետ կապված հարց չկա

ԵՐԵՎԱՆ, 17 ՀՈՒՆՎԱՐԻ, ԱՐՄԵՆՊՐԵՍ: ՀՀ Ազգային ժողովի «Իմ քայլը» խմբակցության ղեկավար Լիլիթ Մակունցը պաշտոնապես հայտարարում է, որ այս պահին ռուսական գազի սակագնի թանկացման հետ կապված որևէ հարց չկա:

 «Արմենպրես»-ի փոխանցմամբ` այս մասին Մակունցն ասաց հունվարի 17-ին լրագրողների հետ զրույցում:

«Դեռ նման բան չկա, ինչ-որ փուլում, երբ կլինի, այդ մասին կառավարությունը կտեղեկացնի, և հասարակությունը տեղյակ կլինի: Ցանկանում եմ պաշտոնապես հայտարարել, որ թանկացումների հետ կապված հարց այս պահին չկա»,- ասաց Մակունցը:

Ավելի վաղ հայտնի էր դարձել, որ «Գազպրոմ Արմենիա»-ն քննարկում է սպառողների համար գազի սակագնի վերանայման հարցը: Հանրային ծառայությունները կարգավորող հանձնաժողովի նախագահ Գարեգին Բաղրամյանը Lragir.am-ի հետ զրույցում չէր բացառել այն, որ «Գազպրոմ Արմենիա» ընկերությունը հայտ ներկայացնի ՀԾԿՀ՝ սպառողի համար գազի սակագինը բարձրացնելու համար: Հանրային ծառայությունները կարգավորող հանձնաժողովն այս պահին «Գազպրոմ Արմենիա» ընկերությունից գազի սակագնի փոփոխության վերաբերյալ հայտ չի ստացել: Ընդ որում, պարտադիր պայման է հանձնաժողովին ներկայացվելիք փաստաթղթերում ներառել երկու թերթերում սակագնի սահմանման կամ վերանայման մտադրության մասին հայտարարությունը:

ՀՀ փոխվարչապետ Մհեր Գրիգորյանը հայտնել էր, որ մինչև ձմեռվա վերջը ռուսական գազի գնի փոփոխություն չի նախատեսվում:

Հայաստանին վաճառվող ռուսական գազի գինը սահմանին 2019 թվականի սկզբին թանկացել էր ՝ սահմանվելով 1000 խմ դիմաց 165 դոլար: «Սահմանին 15 դոլարով գինը բարձրացել է, իսկ հաշվարկային առումով 30 դոլարով է բարձրացել, որովհետեւ այսօրվա գործող սակագներով շուրջ 15 դոլար «Գազպրոմ Արմենիա»-ն իր վրա է վերցրել: Այսինքն՝ գործող գները պայմանականորեն 135 դոլար սահմանային գնի վրա են հիմնված: Այսօր խոսվում է այն մասին, որ շուրջ 30 դոլար արդեն հաշվարկային առումով սահմանի գինը բարձրացել է»,-նշել էր Գարեգին Բաղրամյանը:





https://zen.yandex.ru/id/5dee07a31e8e3f00ae3051c1

https://www.gov.am/files/docs/3969.pdf
youtube

Բոլոր նորությունները    


New Xar

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
settings Էջի կարգավորումներ