Հայտնի է ԵԽԽՎ ձմեռային նստաշրջանում ՀՀ Նախագահի ելույթի օրը
ԵՐԵՎԱՆ, 17 ՀՈՒՆՎԱՐԻ, ԱՐՄԵՆՊՐԵՍ: ՀՀ Նախագահ Սերժ Սարգսյանը Ստրասբուրգում կմասնակցի Եվրախորհրդի խորհրդարանական վեհաժողովի ձմեռային նստաշրջանին և հանդես կգա ելույթով: Ինչպես «Արմենպրես»-ին տեղեկացրին Եվրախորհրդի լրատվական ծառայությունից, ՀՀ Նախագահի ելույթը նախատեսված է հունվարի 24-ին:
Վեհաժողովի նստաշրջանում նախատեսված են նաև Ավստրիայի նախագահի, Դանիայի վարչապետի ելույթները:
Նստաշրջանը կկայանա հունվարի 22-26-ը: Վեհաժողովը կընտրի նախագահ և Մարդու իրավունքների հանձնակատար: Դանիայի արտաքին գործերի նախարարն, ով այս պահին նախագահում է Եվրախորհրդի նախարարների կոմիտեում, զեկույց կներկայացնի ԵԽ գործադիր մարմնի գործունեության վերաբերյալ: ԵԽ գլխավոր քարտուղարը կներկայացնի իր տարեկան զեկույցը, իսկ Մարդու իրավունքների հանձնակատարը՝ 2017թ. գործունեության արդյունքները: Վեհաժողովն իր վերջնական օրակարգը կհստակեցնի նստաշրջանի մեկնարկին:
- Փաշինյանը Հայաստանի պետական շահն է համարում տնտեսական զարգացումը
- Ֆրանսիայի Սենատում առաջարկել են ուսումնասիրել Հայաստանին CAESAR
հրետանային համակարգեր մատակարարելու հնարավորությունը
- ՀՀ ԱԺ նախագահը հյուրընկալել է ՀՀ վարչապետի տիկնոջը և «Կին քաղաքական
առաջնորդներ» համաշխարհային ցանցի նախագահին
- Հիմա ճգնաժամը թակում է մեր դուռը, և մենք պետք է արձագանքենք դրան. Ռուբեն
Վարդանյան
- Ռոզա Լինը ելույթ կունենա Էդ Շիրանի համերգային շրջագայության ընթացքում