Շփման գծում մոնիտորինգի ռեժիմի հաստատման հետ կապված որևէ նախապայման չի դրվել. Սերժ Սարգսյան
ԵՐԵՎԱՆ, 17 ՄԱՅԻՍԻ, ԱՐՄԵՆՊՐԵՍ: Շփման գծում մոնիտորինգի ռեժիմի հաստատման հետ կապված որևէ նախապայման չի դրվել:
Այս մասին հայտարարել է ՀՀ նախագահ Սերժ Սարգսյանը Վիեննայից Երևան վերադառնալու ճանապարհին՝ օդանավում այցը լուսաբանող լրագրողներին հետ զրույցում ամփոփելով ԵԱՀԿ Մինսկի խմբի համանախագահող երկրների նախաձեռնությամբ Ադրբեջանի նախագահ Իլհամ Ալիևի հետ կայացած հանդիպումը:
«Մոնիտորինգի հաստատման վերաբերյալ որևէ նախապայման չի եղել: Ես չգիտեմ, թե որ ադրբեջանցիներն են պնդում զորքերի դուրս բերման ու նոր դրանից հետո մոնիտորինգի հաստատման մասին, բայց ես գործ ունեմ Ադրբեջանի նախագահի հետ, ով այդպիսի բան չհայտարարեց այնտեղ»,-ասաց Սերժ Սարգսյանը:
Ինչ վերաբերում է բանակցություններին, ապա Սերժ Սարգսյանը նշեց, որ իրենք չեն խոսել բանակցությունների մասին: «Խոսել ենք, որ լավ կլինի տեսանելի ապագայում հանդիպում կայանա, բայց որևէ պայմանների մասին չենք խոսել: Մենք խոսել ենք հրադադարի ռեժիմի պահպանման մասին: Ադրբեջանի նախագահը, նայելով համանախագհներին և ինձ, ասում է, որ մենք ենք նախաձեռնել ապրիլյան այդ գործընթացը: Վստահ եմ` պատկերացնում եք իմ պատասխանը: Ադրբեջանի նախագահն այսօր տասնյակ անգամ կրկնեց, որ Ադրբեջանը միայն ու միայն խաղաղությամբ է ուզում լուծել այս հարցը: Լավ վիճակ չէ, բայց իրական վիճակը դա է»,-ասաց նախագահը:
- Փաշինյանը Հայաստանի պետական շահն է համարում տնտեսական զարգացումը
- Ֆրանսիայի Սենատում առաջարկել են ուսումնասիրել Հայաստանին CAESAR
հրետանային համակարգեր մատակարարելու հնարավորությունը
- ՀՀ ԱԺ նախագահը հյուրընկալել է ՀՀ վարչապետի տիկնոջը և «Կին քաղաքական
առաջնորդներ» համաշխարհային ցանցի նախագահին
- Հիմա ճգնաժամը թակում է մեր դուռը, և մենք պետք է արձագանքենք դրան. Ռուբեն
Վարդանյան
- Ռոզա Լինը ելույթ կունենա Էդ Շիրանի համերգային շրջագայության ընթացքում