Թուրքական բանակում սպանված հայ զինվորի գերեզմանին ծաղիկներ դրվեցին
ՍՏԱՄԲՈՒԼ, 24 ԱՊՐԻԼԻ, ԱՐՄԵՆՊՐԵՍ: Թուրքական բանակում սպանված հայազգի զինվոր Սևակ Բալըքչըի գերեզմանին մեծ թվով մարդիկ Հայոց ցեղասպանության տարելիցի օրը ծաղիկներ դրեցին: «Արմենպրես»-ի թղթակցի փոխանցմամբ, ամեն տարվա նման այս տարի ևս հոգևորականի մասնակցությամբ կայացած արարողությանն աղոթք հնչեցվեց և խունկ վառվեց:
Շիշլիի հայկական գերեզմանատանը հավաքվածները հույս հայտնեցին, որ Սևակի սպանության գործը կբացահայտվի և մեղավորները կստանան արժանի պատիժը: Արարողությանը ներկա էին Սևակի ծնողները, ինչպես նաև Հրանտ Դինքի այրին՝ Ռաքել Դինքը:
Հայազգի Սևակ Բալըքչըն սպանվել էր 2011 թվականի ապրիլի 24-ին, երբ պարտադիր զինծառայություն էր անցնում Սասունի զորամասերից մեկում: Նրա զորացրմանը մնացել էր ընդամենը 23 օր: Մարդասպանը` Քըվանչ Աղաօղլուն, դատարապարտվել էր 4,5 տարվա ազատազրկման, որից հանվել էր մինչ վճիռը նրան կալանքի տակ պահելու ժամկետը (մոտ 1,5 տարի): Այսպիսով, մարդասպանը ճաղերի հետևում է անցկացնելու ընդամենը 3 տարի: Սևակի սպանության գործով կողմնակալ և ոչ արդար դատավարությունը քննադատության է արժանացել ոչ միայն Սևակի ծնողների, այլ նաև թուրք իրավապաշտպանների և առաջադեմ գործիչների կողմից:
- Մասաչուսեթսի Ներկայացուցիչների պալատը հարգանքի տուրք է մատուցել Հայոց
ցեղասպանությունը վերապրած 109-ամյա հայ կնոջը
- Ֆրանսիայի Ազգային ժողովից պատվիրակություն կժամանի Հայաստան
- Կարևոր է միջազգային առաքելությունը, որը վստահություն կներշնչի ԼՂ
բնակիչներին. ՄԱԿ ԱԽ-ում ԱՄՆ ներկայացուցիչ
- Ստեփանակերտի հարակից տարածքներից ադրբեջանական զինուժը կրակում է
հրաձգային տարբեր զինատեսակներից
- Վերջին 15 րոպեի ընթացքում Ստեփանակերտում տասնյակ պայթյուններ են լսվել.
Բեգլարյան