Ֆլորա Մարտիրոսյանի մարմարե կիսանդրին կարտահայտի նրա ողջ հմայքը
ԵՐԵՎԱՆ, 13 ՀՈՒԼԻՍԻ, ԱՐՄԵՆՊՐԵՍ: Կյանքից վաղաժամ հեռացած Ֆլորա Մարտիրոսյանի սպիտակ մարմարից կիսանդրին կկանգնեցվի նոյեմբերին` նրա մահվան տարելիցին Երեւանի քաղաքային պանթեոնում, որտեղ թաղված է երգչուհին: «Արմենպրես»-ի թղթակցի հետ զրույցում արձանի հեղինակ, քանդակագործ Լեւոն Թոքմաջյանը նշեց, որ արձանի պատրաստման աշխատանքներն ավարտված են, իսկ պատվերն ինքը ստացել է երգչուհու ընտանիքից: «Արձանն արդեն պատրաստ է, սակայն այն ամենայն հավանականությամբ կբացվի նոյեմբերին: Ես շատ էի ցանկանում, որ այն ոչ թե երգչուհու գերեզմանի մոտ տեղադրվեր, այլ ավելի մարդաշատ, հանրային վայրում, ինչը, սակայն, տարակարծությունների տեղիք տվեց»,- պատմեց Թոքմաջյանը: Նրա գնահատմամբ` Ֆլորա Մարտիրոսյանի նման երգչուհուն մարմարե արձանի տեսքով մարմնավորելը պահանջել է մանրակրկիտ աշխատանք եւ համացանցի միջոցով ԱՄՆ-ում բնակվող հարազատների հետ շարունակվող համատեղ քննարկումների երկար ընթացք: Ավարտուն տարբերակում արձանն ունի 2մ 50 սմ բարձրություն:
«Ես Ֆլորային անձամբ ճանաչել եմ, շատ մտերիմ չեմ եղել, սակայն երբ լսում էի նրա երգերը անմիջապես պարզ էր դառնում, որ երգը հոգուց է գալիս»,- նշեց Թոքմաջյանը` ընդգծելով, որ ինքը փորձել է մարմարակերտ տարբերակում ներկայացնել մեծանուն երգչուհու ողջ հմայքը: Քանդակագործը հույս ունի, որ իր աշխատանքը հանրությանը անտարբեր չի թողնի:
Ֆլորա Մարտիրոսյանը մահացել է 2012թ. նոյեմբերի 22-ին 55 տարեկան հասակում լեղապարկի վիրահատությունից հետո առաջացած բարդությունների հետեւանքով: Երգչուհում մահից հետո էլ տարբեր երկրներում շարունակվում են նրան նվիրված համերգների կազմակերպումը, ինչպես նաեւ արտերկրի եւ Հայաստանի արվեստագետները շահագրգիռ են նրա ղեկավարած Never again մշակութային շարժումը վերականգնելու հարցում:
- Ֆլորա Մարտիրոսյանին վերջին հրաժեշտը եւ հուղարկավորությունը
կկայանան միեւնույն օրը`դեկտեմբերի 11-ին
Հուղարկավորությունը կկայանա Երեւանի քաղաքային պանթեոնում: - Ֆլորա Մարտիրոսյանի աճյունը կտեղափոխվի Հայաստան դեկտեմբերի 10-ին
Սիրված երգչուհուն վերջին հրաժեշտի արարողությունը կկայանա դեկտեմբերի 11-ին` Արամ Խաչատրյան համերգասրահում: Հուղարկավորությունը նույն օրը՝ Երևանի քաղաքային պանթեոնում: - Ֆլորա Մարտիրոսյանի դին Հայաստան տեղափոխելու օրը դեռ հայտնի չէ
Ամենայն հավանականությամբ, այսօրվա ընթացքում կլինի ՀՀ վարչապետի որոշումը` Թաղման կառավարական հանձնաժողով ստեղծելու կապակցությամբ, որն էլ կորոշի հոգեհանգստի եւ հուղարկավորության հետ կապված բոլոր հարցերը: - Ֆլորա Մարտիրոսյանի բարեկամները տեղեկացրել են, որ նրան
կհուղարկավորեն Հայաստանում
ՀՀ մշակույթի նախարարությունը սպասում է սիրված երգչուհու ընտանիքի անդամների` ամուսնու եւ երեխաների որոշմանը: - Ֆլորա Մարտիրոսյանի հուղարկավորության վայրի հարցով կառավարությունը
սպասում է ընտանիքի որոշմանը
Անհրաժեշտ փաստաթղթերի ձեւակերպման եւ գործընթացն արագ կազմակերպելու ուղղությամբ աշխատանքներ են տարվում ԱՄՆ-ում Հայաստանի հյուպատոսի կողմից: