Թուրքիայում արգելվել է հեռարձակել Դիարբեքիրի պայթյունի մասին լուրերը
ԵՐԵՎԱՆ, 4 ՆՈՅԵՄԲԵՐԻ, ԱՐՄԵՆՊՐԵՍ: Թուրքիայի Ռադիոյի և հետուստատեսության բարձրագույն խորհուրդը ժամանակավորապես դադարեցրել է Դիարբեքիրում իրականացված պայթյունի հեռարձակումը: Ինչպես հաղորդում է «Արմենպրես»-ը, այս մասին տեղեկացնում է թուրքական «Անադոլու» գործակալությունը:
Խորհրդի հրապարակած հայտարարության մեջ նշվում է, որ պայթյունի հեռարձակումը պաշտոնական հայտարարություններից բացի հեռուստատեսությամբ և ռադիոյով դադարեցվում է` «ելնելով անվտագության նկատառումներից»:
Դիարբեքիրի կենտրոնական Բաղլար շրջանում նոյեմբերի 4-ի առավոտյան պայթյուն է որոտացել: Թուրքիայի արդարադատության նախարար Բեքիր Բոզդաղը հայտարարել է քաղաքացիների և ոստիկանության շրջանում զոհերի և տասնյակ վիրավորների մասին` հստակ թիվ չնշելով: Թուրքական «Անադոլու» գործակալությունը գրում է 1 զոհի և 30 վիրավորի մասին:
Թուրքական իշխանությունները պայթյունի պատասխանատու են ճանաչել Քրդական բանվորական կուսակցությանը (PKK):
Բաժանորդագրվեք մեր ալիքին Telegram-ում