Մթնոլորտում ածխաթթվային գազի մակարդակը հասել Է պատմական առավելագույնին
ԵՐԵՎԱՆ, 24 ՀՈԿՏԵՄԲԵՐԻ, ԱՐՄԵՆՊՐԵՍ: Մթնոլորտում ածխաթթվային գազի պարունակությունը հասել Է այնպիսի մակարդակի, որը վերջին անգամ Երկրագնդում դիտվել Է 3-5 մլն տարի առաջ: 2015 թվականին նրա խտությունն առաջին անգամ 400 մաս Է կազմել 1 միլիոնի հաշվով, իսկ այս տարի Էլ ավելի բարձր Է լինելու: Դա, ինպես տեղեկացնում Է «Արմենպրես»-ը, հետեւում Է Համաշխարհային օդերեւութաբանական ասոցիացիայի հաշվետվությունից, որը հրապարակվել Է հոկտեմբերի 24-ին:
Գիտնականների կարծիքով՝ նման կտրուկ աճի պատճառ Է դարձել Էլ Նինիո բնական երեւույթը Խաղաղ օվկիանոսում: Հենց նա Է հանգեցրել մթնոլորտ գազի լրացուցիչ արտանետումներին այն դեպքում, երբ մարդկային գործոնի ներգործությունն անփոփոխ Էր մնում: Այս եւ անցած տարի Էլ Նինիոն տապի ու երաշտի պատճառ Է դարձել արեւադարձային տարածաշրջաններում, ինչը թուլացրել Է ածխաթթվային գազը կլանելու անտառների եւ օվկիանոսների ընդունակությունը:
Այսպիսով, CO2-ի պարունակությունը գրեթե մեկուկես անգամ գերազանցել Է մինչինդուստրիալ մակարդակը: Այն ժամանակ, երբ արդյունաբերությունը դեռ չԷր խախտել բնական հավասարակշռությունը, ածխաթթվային գազի մակարդակը 1 միլիոնի հաշվով չԷր գերազանցում 280 մասը: Իսկ այժմ գիտնականները 410 մասի խտություն են սպասում, եւ նման ցուցանիշները կպահպանվեն մի քանի սերունդների ընթացքում, հաղորդել Է «Ինտերֆաքս» գործակալությունը:
Բաժանորդագրվեք մեր ալիքին Telegram-ում