Թուրքիան միջազգային կոալիցիայի կազմում կմասնակցի Մոսուլի գործողություններին
10:47, 19 Հոկտեմբեր 2016
ԵՐԵՎԱՆ, 19 ՀՈԿՏԵՄԲԵՐԻ, ԱՐՄԵՆՊՐԵՍ: Թուրքիայի ազգային պաշտպանության նախարար Ֆիքրի Ըշըքը հայտարարել է, որ թուրքական կողմը համաձայնության է եկել միջազգային կոալիցիայի հետ Մոսուլն «Իսլամական պետություն» ահաբեկչական խմբավորումից ազատագրելու օդային գործողություններին մասնակցելու շուրջ: Ինչպես հաղորդում է «Արմենպրես»-ը, այս մասին տեղեկացնում է թուրքական «Անադոլու» գործակալությունը:
Նախարարը նշել է, որ առաջիկա օրերին Փարիզում Մոսուլի գործողությունների թեմայով կազմակերպվելիք ժողովին Թուրքիան ևս հրավիրվել է: «Բնական է, որ Մոսուլի հարցով զարգացումների և ժողովների ժամանակ Թուրքիան ներկա է: Առանց Թուրքիայի Մոսուլի ապագայի վերաբերյալ որևէ որոշում ընդունելն անհնարին է»,- ասել է Ըշըքը:
Բաժանորդագրվեք մեր ալիքին Telegram-ում