ԵՐԵՎԱՆ, 28 ՍԵՊՏԵՄԲԵՐԻ, ԱՐՄԵՆՊՐԵՍ: Իսրայելի վարչապետ Բենիամին Նաթանյահուն, ցավակցություն հայտնելով երկրի նախկին նախագահ Շիմոն Պերեսի վախճանվելու կապակցությամբ, նրան անվանել Է իմաստուն ղեկավար: Այդ մասին, ինչպես տեղեկացնում Է «Արմենպրես»-ը, սեպտեմբերի 28-ին հայտնել են արեւմտյան ԶԼՄ-ները:

«Լինելով իմաստուն ղեկավար՝ նա նայում Էր ապագային: Լինելով Իսրայելի անվտանգության պաշտպանը՝ նա ամրապնդեց նրա կարողությունները շատ բնագավառներում, դրանցից մի քանիսը մինչ այժմ չեն գնահատվել ըստ արժանվույն»,- ասված Է Նաթանյահուի հայտարարության մեջ: 

«Շիմոն Պերեսն իր կյանքը նվիրեց մեր ժողովրդի վերածնմանը»,-նշվում Է հայտարարության մեջ:

Շիմոն Պերեսը 93 տարեկան հասակում վախճանվել Է երկու շաբաթ առաջ տարած ուղեղի կաթվածից հետո: Նա Իսրայելում զբաղեցրել Է գրեթե բոլոր գլխավոր պետական պաշտոնները. նա երկու ժամկետ աշխատել Է վարչապետի պաշտոնում, ինչպես նաեւ մի քանի անգամ գլխավորել Է Իսրայելի պաշտպանության նախարարությունը, ֆինանսների նախարարությունը, կապի նախարարությունը, ԱԳՆ-ն, ՆԳՆ-ն եւ այլ գերատեսչություններ: 2007 թվականից մինչեւ 2014 թվականը Պերեսն զբաղեցրել Է երկրի նախագահի պաշտոնը:  

1994 թվականին նա արժանացել Է Խաղաղության նոբելյան մրցանակի՝ Օսլոյի հաշտության բանակցություններում ունեցած դերի համար, որոնք իշխանությունը Պաղեստինյան Ինքնավարության քաղաքացիական իշխանությանը հանձնելու գործընթացի սկիզբը դրեցին, հաղորդել Է «Ինտերֆաքս»-ը: