Օգոստոսին նոր հանդիպման հետ կապված պլաններ չկան. Ջեյմս Ուորլիք
ԵՐԵՎԱՆ, 15 ՕԳՈՍՏՈՍԻ, ԱՐՄԵՆՊՐԵՍ: ԵԱՀԿ Մինսկի խմբի համանախագահները մշտապես կապ են պահպանում Հայաստանի և Ադրբեջանի արտաքին գործերի նախարարների հետ և հաճախակի հանդիպումներ են ունենում: Ինչպես հաղորդում է «Արմենպրես»-ը, ադրբեջանական ԱՊԱ գործակալության հետ զրույցում այս մասին ասել է ԵԱՀԿ Մինսկի խմբի համանախագահ Ջեյմս Ուորլիքը:
Նա նշել է` չնայած օգոստոսին պլանավորված ոչինչ չկա, համանախագահները փորձում են շարունակել երկու երկրների արտաքին գործերի նախարարների հետ կապն ու համագործակցությունը: «Վիեննայում և Սանկտ-Պետերբուրգում երկու նախագահները ցանկություն են հայտնել կրկին հանդիպել հակամարտության խաղաղ կարգավորմանը հասնելու համար: Մենք դիտարկում ենք նոր հանդիպման հնարավորությունը: Գոյություն ունեցող առաջարկները քննարկելու համար մենք մշտապես կապ ենք պահում նախագահների և նախարարների հետ»,- ասել է Ուորլիքը:
Բաժանորդագրվեք մեր ալիքին Telegram-ում