Գերմանիայում ՀՀ դեսպանն այցելել է ԳԴՀ Սաքսոնիա-Անհալթ երկրամաս
ԵՐԵՎԱՆ, 2 ՕԳՈՍՏՈՍԻ, ԱՐՄԵՆՊՐԵՍ: Գերմանիայում ՀՀ դեսպան Աշոտ Սմբատյանն օգոստոսի 1-ին աշխատանքային այցով մեկնեց ԳԴՀ Սաքսոնիա-Անհալթ երկրամասի մայրաքաղաք Մագդեբուրգ: Այս մասին «Արմենպրես»-ին տեղեկացրին ՀՀ արտաքին գործերի նախարարության մամուլի, տեղեկատվության և հասարակայնության հետ կապի վարչությունից:
Մագդեբուրգում դեսպանը հանդիպում ունեցավ երկրամասի Կառավարության աշխատակազմի ղեկավար-նախարար, մշակույթի հարցերով պետնախարար Ռայներ Ռոբրայի հետ: Հանդիպման ընթացքում քննարկվեցին երկկողմ մշակութային համագործակցությանը, տնտեսական հարաբերություններին և զբոսաշրջության զարգացմանը վերաբերող հարցեր:
Նույն օրը դեսպանը հանդիպեց Սաքսոնիա-Անհալթ երկրամասի կրթության նախարար Մարկո Թուլների հետ:
Զրուցակիցները քննարկեցին կրթության ոլորտում երկկողմ հարաբերությունների ակտիվացման, համատեղ տարբեր ծրագրերի իրականացման հարցեր:
Բաժանորդագրվեք մեր ալիքին Telegram-ում