Իրաքի Պաշտպանության նախարարը գլխավորել է «Իսլամական պետության» դեմ պայքարող կործանիչների ջոկատը
18:51, 13 Հունիս 2016
ԵՐԵՎԱՆ, 13 ՀՈՒՆԻՍԻ, ԱՐՄԵՆՊՐԵՍ: Իրաքի Պաշտպանության նախարար Խալեդ ալ Օբեյդին գլխավորել է «Իսլամական պետության» դեմ պայքարող F-16 կործանիչների ջոկատը: Այս մասին հաղորդում է «Արմենպրես»-ը` հղում կատարելով «ՌԻԱ Նովոստի»-ին:
Նշվում է, որ Իրաքի պաշտպանության նախարարը ծագումով Մոսուլից է, որի բնակավայրերը «Իսլամական պետության» հսկողության ներքո են: 1987-2003 թվականների ընթացքում Պաշտպանության նախարարը ծառայել է Իրաքի ռազմաօդային ուժերում:
Ավելի վաղ հաղորդվում էր, որ ՆԱՏՕ-ն կարող է ընդլայնել է Իրաքին տրամադրվող աջակցությունը «Իսլամական պետության» դեմ պայքարում:
Բաժանորդագրվեք մեր ալիքին Telegram-ում