ԵԱՏՄ-ն Սերբիայի հետ բանակցություններ կսկսի առեւտրական ռեժիմի միասնականացման շուրջ. Տիգրան Սարգսյան
ԵՐԵՎԱՆ, 31 ՄԱՅԻՍԻ, ԱՐՄԵՆՊՐԵՍ: Եվրասիական տնտեսական բարձրագույն խորհրդի նիստում որոշում Է ընդունվել Սերբիայի հետ բանակցություններ սկսել առեւտրական ռեժիմի միասնականացման շուրջ: Այդ մասին, ինչպես տեղեկացնում Է «Արմենպրես»-ը՝ հղում անելով «Ինտերֆաքս»-ին, հայտնել Է Եվրասիական տնտեսական հանձնաժողովի կոլեգիայի նախագահ Տիգրան Սարգսյանը:
«Այսօր որոշում Է ընդունվել Սերբիայի Հանրապետության հետ բանակցություններ սկսել Եվրասիական տնտեսական միության եւ նրա անդամ պետությունների կողմից այդ երկրի հետ առեւտրական ռեժիմի միասնականացման շուրջ»,-ասել Է Սարգսյանը Եվրասիական տնտեսական բարձրագույն խորհրդի՝ մայիսի 31-ին Աստանայում կայացած նիստի արդյունքների վերաբերյալ մամուլի համար արված հայտարարության մեջ:
Ավելի վաղ, ինչպես հաղորդել Է ՌԻԱ Նովոստին, ՌԴ նախագահ Վլադիմիր Պուտինը, ելույթ ունենալով ԵՏԲԽ-ի ընդլայնված կազմով նիստում, Եվրասիական տնտեսական միության երկրների ղեկավարներին հրավիրել Է հաջորդ հանդիպումն անցկացնել դեկտեմբերին Մոսկվայում: «Օգտվելով հնարավորությունից՝ կցանկանայի ձեզ հրավիրել մեր հաջորդ հանդիպումն անցկացնել դեկտեմբերին Մոսկվայում»,-ասել Է նա:
Բաժանորդագրվեք մեր ալիքին Telegram-ում