Խաղաղ օվկիանոսում 6.6 մագնիտուդ ուժգնությամբ երկրաշարժ է գրանցվել
12:38, 28 Մայիս 2016
ԵՐԵՎԱՆ, 28 ՄԱՅԻՍԻ, ԱՐՄԵՆՊՐԵՍ: Խաղաղ օվկիանոսի կենտրոնական մասում՝ Տոնգա կղզիների և և Ֆիջիի արշիպելագի մոտակայքում տեղի է ունեցել 6,6 մագնիտուդ ուժգնությամբ երկրաշարժ: «Արմենպրես»-ը տեղեկացնում է, որ համաձայն «ՌԻԱ Նովոստի»-ի՝ երկրաշարժը գրանցվել է շաբաթ օրը՝ տեղական ժամանակով 18:38-ին:
Երկրաշարժի էպիկենտրոնը տեղակայված էր Տոգա Թագավորության Նուկուալոֆա մայրաքաղաքից 209 կմ դեպի հարավ-արևմուտք և Ֆիջիի Հանրապետության մայրաքաղաք Սուվայից 640 կիլոմետր դեպի հարավ: Երկրաշարժի օջախը գտնվում էր 420 կիլոմետր խորության վրա:
Տուժածների ու ավերածությունների մասին տեղեկություն չկա: Ցունամիի սպառնալիքի մասին ևս հայտարարություն չի արվել:
Բաժանորդագրվեք մեր ալիքին Telegram-ում