Պետական համակարգի օպտիմալացումը չի կարող ինքնանպատակ լինել. Ատոմ Ջանջուղազյան
15:05, 27 Մայիս 2016
ԵՐԵՎԱՆ, 27 ՄԱՅԻՍԻ, ԱՐՄԵՆՊՐԵՍ: Պետական համակարգում իրականացվող օպտիմալացման գործընթացը չպետք է ինքնանպատակ լինի: Ազգային ժողովում ՀՀ 2015 թ. պետական բյուջեի կատարողական հաշվետվության քննարկման ժամանակ այս մասին ասաց ՀՀ ֆինանսների նախարարի տեղակալ, գլխավոր-գանձապետ Ատոմ Ջանջուղազյանը՝ պատասխանելով ՕԵԿ խմբակցության ղեկավար Հեղինե Բիշարյանի հարցին:
«Օպտիմալացումը կարող է տեղի ունենալ միայն իրավիճակների փոփոխման, պահանջների, կարիքների, չափորոշիչների վերագնահատման արդյունքում: Օպտիմալացումը չպետք է և չի կարող լինեն ինքնանպատակ»,- «Արմենպրես»-ի հաղորդմամբ՝ նշեց Ջանջուղազյանը:
Նրա խոսքով՝ հակառակ պարագայում օպտիմալացումը չի կարող դրական արդյունք ապահովել:
Բաժանորդագրվեք մեր ալիքին Telegram-ում