Կիևը հայտարարել է ՌԴ-ի և Լուգանսկի սահմանային հատվածում պատի կառուցման աշխատանքների մեկնարկի մասին
ԵՐԵՎԱՆ, 14 ՄԱՅԻՍԻ, ԱՐՄԵՆՊՐԵՍ: Ռուսաստանի Դաշնութան և Լուգանսկի շրջանի միջև առկա սահմանային հատվածում սկսվել են պատի կառուցման ինժեներատեխնիկական աշխատանքները: Այս մասին հաղորդում է «Արմենպրես»-ը` հղում կատարելով «ՌԻԱ Նովոստի»-ին: Պատի կառուցման մասին «112 Ուկրաինա» հեռուսատաալիքին տված հարցազրույցում տեղեկացրել է Ուկրաինայի Ժամանակավոր օկուպացված տարածքների հարցերով նախարարի տեղակալ Գեորգի Տուկան:
«Մոտ 30 րոպե առաջ ես խոսել եմ սահմանապահների հետ և ցանկանում եմ ասել, որ արդեն աշխատանքները սկսվել են: Արդեն ժամանել են համապատասխան մասնագետներից բաղկացած աշխատանքային խմբերը: Այժմ ընթանում է հողային պայմանների ուսումնասիրություն, ինչպես նաև տեխնիկական առաջադրանքների համար նախապատրաստական գործընթաց»,-ասել է Գեորգի Տուկան: Նա հայտարարել է, որ բոլոր օբյեկտները կարող են նախատեսված ժամկետում կառուցված լինել, եթե լինի անհրաժեշտ ֆինանսավորումը:
Բաժանորդագրվեք մեր ալիքին Telegram-ում