Մոսկվայում Խովանսկոյե գերեզմանատանը զանգվածային ծեծկռտուք է տեղի ունեցել
ԵՐԵՎԱՆ, 14 ՄԱՅԻՍԻ, ԱՐՄԵՆՊՐԵՍ: Մոսկվայի Խովանսկոյե գերեզմանատանը մոտ 150 մարդու մասնակցությամբ զանգվածային ծեծկռտուք է տեղի ունեցել: Հնչած կրակոցների արդյունքում կան վիրավորներ ու տուժածներ: «Արմենպրես»-ի փոխանցմամբ՝ այդ մասին «ՌԻԱ Նովոստի»-ին հայտնել է աղբյուրը մայրաքաղաքի իրավապահ մարմիններից:
«Բախումները տեղի են ունենում մի քանի խմբերի միջև, ընդհանուր առմամբ կա մոտ 150 մասնակից: Ավելի ստույգ հայտնի կլինի լրիվ տարածքն արգելափակելուց և կռվի մասնակիցներին ձերբակալելուց հետո»,- հայտնում է գործակալության զրուցակիցը:
Իրավապահ մարմիններում «Ինտերֆաքս»-ի աղբյուրի տեղեկացմամբ՝ ոստիկանությունը օդ է կրակել՝ զանգվածային ծեծկռտուքը դադարեցնելու համար:
Նրա խոսքով՝ ըստ ճշտված տվյալների՝ Կենտրոնական Ասիայից մոտ 150-200 ապօրինի միգրանտների միջև վեճ է առաջացել աշխատատեղերի համար:
Բաժանորդագրվեք մեր ալիքին Telegram-ում