Լեհաստանում մեքենավարը, վտանգելով կյանքը, փրկել Է գնացքի ուղեւորներին
ԵՐԵՎԱՆ, 13 ՄԱՅԻՍԻ, ԱՐՄԵՆՊՐԵՍ: Լեհաստանում մեքենավարը, երկաթգծի վրա բեռնատար տեսնելով եւ հասկանալով, որ չի հաջողվելու խուսափել բախումից, դուրս Է նետվել խցիկից, որպեսզի զգուշացնի վագոններում գտնվող մարդկանց: Նա վազքով անցել Է գնացքակազմով եւ գոռացել, որ մարդիկ անհապաղ պառկեն հատակին եւ դեմքները շրջեն պատուհաններից: Վախեցած մարդիկ կատարել են նրա հրահանգները, տեղեկացնում Է «Արմենպրես»-ը՝ հղում անելով Life-ին:
Մեքենավարի գործողություններն օգնել են խուսափել զոհերից եւ տուժածների ծանր վնասվածքներից: Այդ պահին գնացքն ընթանում Էր ժամում մոտավորապես 60 կիլոմետր արագությամբ:
Տեղի ունեցածը նկարահանել են շարժակազմի տեսախցիկները: Տեսագրության մեջ երեւում Է, թե ինչպես Է մեքենավարը վազում վագոններով՝ ուղեւորներին հրահանգներ տալով: Տեսախցիկը նաեւ նկարահանել Է բեռնատար ավտոմեքենայի հետ գնացքի բախվելու պահը:
Բաժանորդագրվեք մեր ալիքին Telegram-ում