Պատանեկան ձմեռային Օլիմպիական խաղերում Միքայել Միքայելյանը հաղթահարել է որակավորման փուլը
15:39, 13 Փետրվար 2016
ԵՐԵՎԱՆ, 13 ՓԵՏՐՎԱՐԻ, ԱՐՄԵՆՊՐԵՍ: Պատանեկան ձմեռային երկրորդ Օլիմպիական խաղերում Հայաստանի ներկայացուցիչ Միքայել Միքայելյանը դահուկավազք կրոսի 1500 մետր ազատ ոճում հաղթահարել է որակավորման փուլի արգելքը: Ինչպես հաղորդում է «Արմենպրես»-ը, ՀԱՕԿ լրատվության բաժնի տեղեկատվության համաձայն, Հայաստանի ներկայացուցիչը 50 մասնակցի մեջ զբաղեցրեց 27-րդ հորիզոնականը: Միքայելյանը տարածությունը հաղթահարել է 17 րոպե 3 վայրկյանում:
Ավելի ուշ Միքայելյանը 30 լավագույնների շարքում կպայքարի եզրափակիչ փուլի ուղեգրի համար, որտեղ իրենց ուժերը կչափեն 10 լավագույնները:
Բաժանորդագրվեք մեր ալիքին Telegram-ում