Ռոման Գրիգորյանը, Արմեն Համբարձումյանը եւ «Շիրակ»-ի նախկին հարձակվող Ժան-Ժակ Բուգուհին մասնակցել են Արմավիրի «Տորպեդո»-ի խաղերին
ԵՐԵՎԱՆ, 12 ՓԵՏՐՎԱՐԻ, ԱՐՄԵՆՊՐԵՍ: Նախապատրաստական փուլի շրջանակներում Արմավիրի «Տորպեդո»-ն փետրվարի 12-ին միանգամից երկու ստուգողական խաղ է անցկացրել: «Արմենպրես»-ի հաղորդմամբ, առաջին հանդիպումը Սոլիգորսկի «Շախտյոր»ի հետ է եղել, որտեղ Արմավիրցիները պարտվել են խոշոր՝ 5:0 հաշվով:
Այս հանդիպմանը Արմավիրի թիմի կազմում ամբողջ խաղին մասնակցել են Ռոման Գրիգորյանն ու Արմեն Համբարձումյանը:
«Տորպեդո»-ի երկրորդ ստուգողական հանդիպումը «Կուբան»-ի հետ եղել: Թիմի մարզիչն այս հանդիպմանը բոլորովին այլ կազմով է ներկայացել: Հանդիպմանը չեն մասնակցել նաեւ Ռոման Գրիգորյանն ու Արմեն Համբարձումյանը: Փոխարենը խաղադաշտ է դուրս եկել «Շիրակ»-ի նախկին հարձակվող Ժան-Ժակ Բուգուհին, որը փոխարինվել է 79-րդ րոպեին: Այս հանդիպումն ավարտվել է արմավիրցիների հաղթանակով, գրանցվել է 2:1 հաշիվը:
Բաժանորդագրվեք մեր ալիքին Telegram-ում