ԵՐԵՎԱՆ, 12 ՓԵՏՐՎԱՐԻ, ԱՐՄԵՆՊՐԵՍ: Սերբիան հուսով Է 2016 թվականին ազատ առեւտրի վերաբերյալ համաձայնագիր ստորագրել ԵԱՏՄ-ի հետ: Այդ մասին, ինչպես տեղեկացնում Է «Արմենպրես»-ը, ՌԴ-ում Սերբիայի դեսպան Սլավենկո Տերզիչը հայտարարել Է «Ռոսիա սեգոդնյա» միջազգային լրատվական գործակալությունում կայացած մամուլի ասուլիսում:

«Ակնկալում ենք, որ այս տարի ազատ առեւտրի համաձայնագիր կստորագրվի Եվրասիական տնտեսական միության հետ, այնպես որ Սերբիան համաձայնագիր ունենա ԵԱՏՄ-ի բոլոր անդամների հետ»,-նշել Է նա:

ԵԱՏՄ-ն ստեղծվել Է Մաքսային միության եւ Միասնական տնտեսական տարածքի բազայի վրա եւ գործում Է 2015 թվականի հունվարի 1-ից:

ԵԱՏՄ-ի անդամներն են՝ Հայաստանը, Բելառուսը, Ղազախստանը, Ռուսաստանը եւ Ղրղզստանը, հաղորդել Է ՌԻԱ Նովոստին: