Ժնեւում միջսիրիական բանակցությունները շարունակելու պայմաններն ստեղծված են. Մոգերինի
ԵՐԵՎԱՆ, 12 ՓԵՏՐՎԱՐԻ, ԱՐՄԵՆՊՐԵՍ: Եվրոպական դիվանագիտության ղեկավար Ֆեդերիկա Մոգերինին համոզված Է, որ Ժնեւում միջսիրիական բանակցությունները շարունակելու համար անհրաժեշտ պայմաններն ստեղծված են: Այդ մասին, ինչպես տեղեկացնում Է «Արմենպրես»-ը, նա հայտարարել Է Մյունխենում անվտանգության հարցերի շուրջ ընթացող խորհրդաժողովի կողասրահներում պատասխանելով ՏԱՍՍ-ի հարցին:
Դրա հետ մեկտեղ նա նշել Է, որ «քաղաքական երկխոսության մասնակիցները չպետք Է լրացուցիչ նախնական պայմաններ առաջադրեն Ժնեւի բանակցությունների վերսկսման համար»:
«Սիրիական ընդդիմությունն անհանգստացած Է եւ ցանկանում Է, որ քաղաքական գործընթացն ուղեկցվի տեղերում այնպիսի միջոցառումներով, որոնք կբարելավեն Սիրիայի ժողովրդի կյանքը: Հենց դա Էլ մենք երեկ քննարկում Էինք վեց ժամ շարունակ,-ասել Է նա:-Ես հավատում եմ, որ եթե բոլոր կողմերն այսօրվանից կատարեն համաձայնեցված որոշումները, անհրաժեշտ պայմանները կստեղծվեն տեղերում»:
Բաժանորդագրվեք մեր ալիքին Telegram-ում